Þátturinn Matur & heimili er á dagskrá Hringbrautar í kvöld kl. 19 og aftur kl. 21.
Í þætti kvöldsins fær Sjöfn Þórðar góða heimsókn í eldhúsið þar sem töfraður verður ljúffengur kvöldverður sem kemur bragðlaukunum á flug alla leið til Túnis. Safa Jemai, frumkvöðull og hugbúnaðarverkfræðingur frá Túnis, og vinur hennar Viktor Joensen yfirkokkur mæta með hágæða hráefni og heimagerðu kryddin hennar Söfu sem koma alla leið frá Túnis. En Safa stofnaði nýverið fyrirtækið Mabruka og hóf innflutning á heimagerðum kryddum frá heimalandi sínu. Saman munu Safa og Viktor töfra fram sælkeramáltíð þar sem matarheimur Túnis og Íslands fléttast saman á einstakan hátt.
Sjöfn heimsækir líka Elísu Viðarsdóttur, landsliðskonu í knattspyrnu, heim í eldhúsið þar sem þær ræða verkefni Elísu og framtíðarplön. Elísa er mikil áhugamanneskja um mat og notar matargerðina sem sína hugleiðslu. Hún hefur verið með marga bolta á lofti og hefur svo sannarlega náð að samtvinna ástríðu sína fyrir matargerð, vinnu og knattspyrnuiðkun með góðri útkomu. Elísa ljóstrar framtíðarplönum sínum í þættinum og framreiðir að sjálfsögðu einn af sínum uppáhalds réttum fyrir Sjöfn.
Brot úr þætti kvöldsins gefur að líta í spilaranum hér fyrir neðan:
Matur og heimili stikla 17 mai 2022
