Þátturinn Matur&heimili er á dagskrá Hringbrautar í kvöld kl. 19 og aftur kl. 21.

Að þessu sinni heimsækir Sjöfn Þórðar Helga Sverrisson matgæðing og yfirkokk á 20&SJÖ Mathús & bar í eldhúsið þar sem Helgi mun framreiða sælkeraveislubakkann sem hann ætlar að bjóða vinum og vandamönnum á föstudaginn langa. Helgi heldur í hefðina og býður ávallt upp á sjávarfang á þessum síðasta degi föstunnar. Helgi frumsýnir líka nýjustu páskakökuna sem heillaði Sjöfn upp úr skónum.

Sjöfn bregður sér líka upp á Skaga þar sem hún heimsækir Karen Jónsdóttur frumkvöðul og eiganda Matarbúrs Kaju og Café Kaju. Karen, sem er öllu jöfnu kölluð Kaja, er þekkt fyrir framreiðslu sína á lífrænt vottuðum hágæða vörum sem hafa slegið í gegn síðustu misseri. Kaja leiðir Sjöfn gegnum þær vörutegundir sem hún framleiðir af ástríðu og natni og býður henni að njóta nýjustu afurðarinnar sem inniheldur lúpínumjöl.

Brot úr þætti kvöldsins má sjá í spilaranum hér fyrir neðan:

Matur og heimili - Stikla12. apríl