fbpx
Þriðjudagur 26.október 2021
Fókus

Benedikt Bóas tætir í sig kosningasjónvarp RÚV: Fídusafyllerí og galið teiti á Kjarvalsstofu

Fókus
Þriðjudaginn 28. september 2021 13:15

Benedikt Bóas Hinriksson.

Ekki missa af Helstu tíðindum dagsins í pósthólfið þitt

Lesa nánar

Sparksérfræðingurinn og samfélagsrýnirinn Benedikt Bóas Hinriksson, blaðamaður á Fréttablaðinu, þótti lítið til Kosningasjónvarps RÚV koma. Benedikt skrifaði ádrepu í tveimur hlutum um frammistöðu kollega sinn á RÚV í dálkinn Frá degi til dags í Fréttablað dagsins.

Í fyrri hlutanum, sem nefnist Fídusafyllerí, segir Bendikt að kosningasjónvarpið hafi verið pínlegt á köflum þó vissulega toppi það ekki talningaruglið sem enn sér ekki fyrir endann á.

„Ríkisstöðin stillti upp sínum helstu kanónum. Bogi Ágústsson, Jóhanna Vigdís Hjaltadóttir, Rakel Þorbergsdóttir og Heiðar Örn Sigurfinnsson stýrðu rándýru prógramminu sem virtist þó ekki nógu stórt fyrir stjörnurnar og núningur þeirra í milli skilaði sér lóðbeint heim í stofu. Þrátt fyrir að kunna öll sporin fundu þau aldrei taktinn þótt þau væru ekki jafn illa áttuð og útsendingarstjórnin sem var á einhvers konar fídusafylleríi og klippti alltof seint á kosningavökur þegar tölur voru lesnar upp,“ skrifar Benedikt hvass.

Kjarvalsstofupartýið galin ákvörðun

Seinni hlutinn heitir einfaldlega „Baldvin skemmtir sér“ og fjallar um þá gölnu ákvörðun, að mati Benedikts, að slá upp teiti í Kjarvalsstofu þar sem að gestir voru fengnir í spjall.

„Þaðan fengu sjónvarpsáhorfendur skemmtistað beint í æð með svo skelfilegu hljóði að
bakgrunnskliðurinn frá blindfullu fólki yfirgnæfði viðmælendur. RÚV greip enda á það ráð að taka bara upp frekar ódýra míkrófóna þegar leið á útsendinguna. Baldvin Bergsson stýrði veislunni og fílaði sig ágætlega í því hlutverki enda tókst honum greinilega miklum mun betur að skemmta sjálfum sér en talnaþyrstum áhorfendum,“ skrifar Benedikt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Fyrsta lagið af sólóplötu Katrínar Halldóru komið út

Fyrsta lagið af sólóplötu Katrínar Halldóru komið út
Fókus
Fyrir 3 dögum

Frumsýna óperu sem fjallar um ævi og störf Vigdísar Finnbogadóttur

Frumsýna óperu sem fjallar um ævi og störf Vigdísar Finnbogadóttur