Chessie King, áhrifavaldur og fæðingarþjálfari (e. doula), hefur fengið mikið lof fyrir færslu sem hún birti á Instagram-síðu sinni á dögunum. Í færslunni birti hún tvær myndir af sjálfri sér og sýndi muninn á raunveruleikanum og því sem hún birtir venjulega á samfélagsmiðlinum.
Chessie, sem er með tæplega 800 þúsund fylgjendur á Instagram, eignaðist sitt fyrsta barn nýverið. Hún hefur reglulega birt myndir af sínum raunverulega líkama til að hjálpa sjálfstrausti fylgjenda sinna og til að veita þeim innblástur.
„Gefðu líkamanum þínum jafn mikla ást og makinn þinn gefur golf-kylfunum sínum,“ skrifar Chessie með færslunni sem um ræðir en á myndunum sýnir hún áhrifin sem stellingar hafa á líkamann í myndatökum.
Óhætt er að segja að færslan hafi vakið mikla lukku en fjölmargir fylgjendur hennar hrósuðu henni fyrir hreinskilnina. Þá var henni einnig þakkað fyrir og sumir sögðu að hún hjálpaði þeim að líða betur með líkamann sinn.
„Það er svo yndislegt að sjá raunveruleikann á samfélagsmiðlum,“ skrifar til dæmis kona nokkur í athugasemdunum við færsluna. „Það er frábært að sjá þessar alvöru myndir,“ segir svo önnur. „Takk fyrir þetta frábæra dæmi,“ segir svo enn önnur.
Færsluna sem um ræðir má sjá hér fyrir neðan:
View this post on Instagram
