Þetta er vissulega ekki stjörnuparið sem við bjuggumst við en tökum samt sem áður fagnandi.

Leikkonan Angelina Jolie og tónlistarmaðurinn The Weeknd, sem heitir réttu nafni Abel Makkonen Tesfaye, sáust snæða kvöldverð saman á ítalska veitingastaðnum Giorgio Baldi í Kaliforníu. The Sun greinir frá og birtir myndir.

Samkvæmt heimildum The Sun varði parið nokkrum klukkustundum saman inni á staðnum en fóru í sitthvoru lagi til að forðast að vekja grunsemdir.

Angelina Jolie, 46 ára, klæddist ljósbrúnum frakka, svörtum bol og ljósbleikum hælum á meinta stefnumótinu. The Weeknd, 31 árs, var í dökkum gallabuxum og gallajakka, í svörtum stuttermabol og svörtum stígvélum.

Angelina var áður gift Brad Pitt og hafa þau verið að standa í forsjárdeilum undanfarin fimm ár. Þau eiga saman sex börn.

The Weeknd var í sambandi með ofurfyrirsætunni Bellu Hadid á árunum 2015-2016 og aftur frá 2018-2019. Hann var einnig í sambandi með Selenu Gomez árið 2017.