Það er „trend“ á TikTok þar sem netverjar deila því smásmugulegasta (e. petty) sem þeir hafa gert eftir sambandsslit.
TikTok notandinn @t_lexy_t hafði heldur betur smásmugulega sögu að segja. Hún komst að því að kærasti hennar væri að halda framhjá og ákvað að ná fram ansi klikkaðri hefnd.
„Ég ákvað að búa til morgunmat, ég bjó til vöfflur og hellti heilli flösku af Miralax í deigið. Hann var að spila tölvuleik þannig ég rétti honum vöfflurnar: „Gjörðu svo vel, góðan daginn.“ Ég rétti honum vöfflurnar og skrúfaði svo fyrir vatnið í íbúðinni hans, allavega í baðherberginu, og ég tók allan klósettpappírinn,“ segir hún og hlær.
@t_lexy_t##stitch with @bribri_comedy just all around ##petty ##laxatives ##foryou♬ Monkeys Spinning Monkeys – Kevin MacLeod
Yfir 1,2 milljón manns hafa líkað við myndbandið. Nokkrar konur skrifa við myndbandið og segja hvað þær gerðu þegar þær komust að framhjáhaldi fyrrverandi maka.
„Eftir að hann hélt framhjá þá límdi ég lokin á öllum vörunum hans, rakspíranum, sjampó flöskunni og svo framvegis,“ segir ein.
„Ég tók gardínurnar, Wifi netbeininn og öll símahleðslutækin og í hvert skipti sem ég fór að sækja dót sem ég gleymdi hjá honum þá tók ég hleðslutækið sem hann var nýbúinn að kaupa,“ segir önnur.