Það er óhætt að segja að samband raunveruleikastjörnunnar Kourtney Kardashian og trommarans Travis Barker hafi verið okkur óhemjugott afþreyingarefni síðan þau byrjuðu saman í febrúar síðastliðnum.
Sjá einnig: Fyrrverandi eiginkonan kallar hegðun Kourtney og Travis „furðulega“
Ekki nóg með dramað sem tengist fyrrverandi eiginkonu Travis, Shanna Moakler, heldur virðist dramað einnig ætla að innihalda fyrrverandi eiginmann Kourtney, Scott Disick og nítján ára kærustu hans, Ameliu Hamlin.
Miðað við nýjustu þáttaröð Keeping Up With The Kardashians er nokkuð ljóst að Scott var ennþá yfir sig ástfanginn af Kourtney og vildi gefa sambandi þeirra annað tækifæri þegar hún byrjaði með Travis.
Samkvæmt heimildum E! News hefur hann átt mjög erfitt með að sætta sig við þá staðreynd að Kourtney sé komin í samband og hafa samskipti þeirra orðið frekar stirð í kjölfarið.
Sjá einnig: Afmælisgjöfin frá 19 ára kærustunni vekur athygli
Instagram-slúðursíðan Deuxmoi greindi frá því um helgina að vitni hafi séð Kourtney, Travis, Scott og Ameliu á tvöföldu stefnumóti á veitingastaðnum Nobu.
En að sjálfsögðu er ekki hægt að taka slúðrinu sem heilögum sannleika en það sem ýtir frekar undir sannleiksgildi þess var að Travis líkaði við athugasemd aðdáanda um meinta stefnumótið.
Aðdáandinn sagði að tvöfalda stefnumótið hefði örugglega verið „sjúklega vandræðalegt“ þar sem að Amelia er aðeins 19 ára og á örugglega lítið sameiginlegt með Travis, Kourtney og Scott, sem eru 45, 42 og 38 ára.
View this post on Instagram
Travis líkaði við þessi ummæli og telja margir að hann sé með því staðfesta að ekki aðeins hefðu þau farið út að borða saman heldur einnig að það hefði verið sjúklega vandræðalegt.
Sjá einnig: Gagnrýnir móður sína eftir að hún sakaði Travis um að hafa sofið hjá Kim Kardashian