Leikkonan Clara McGregor var bitin í andlitið af hundi skömmu fyrir frumsýningu á The Birthday Cake í Las Vegas á föstudag. Clara á ekki langt að sækja leikhæfileikana því hún er dóttir leikarans ástsæla Ewan McGregor.
Clara birti mynd af sér á samfélagsmiðlum á laugardag þar sem hún sést á rauða dreglinum með áverka í andliti. Undir myndina skrifaði hún: „Þegar hundsbit kemur þér á bráðamótttökuna 30 mínútum fyrir rauða dregilinn … „
View this post on Instagram
Clara slasaðist sem betur fer ekki alvarlega og hélt í húmorinn þegar hún deildi sögu á Instagram og sagði förðunina vera hundsbiti að þakka. Hún deildi líka mynd af sér frá sjúkrahúsinu þar sem hún brosti þrátt fyrir að hafa lent í þessu hræðilega atviki.
