Maureen og Rosanna hafa ákveðið að Amish-lífið sé ekki fyrir þær. Fjallað er um þær í þættinum Return To Amish á sjónvarpsstöðinni TLC.

Maureen og Rosanna ætla að fara til Flórída og í þættinum er sýnt frá því þegar þær segja foreldrum sínum fréttirnar. Foreldrarnir eru síður en sáttir og segja að þær séu ekki velkomnar aftur heim ef þær fara.

Til þess að komast til Flórída þurfa þær að fljúga og eru mjög spenntar fyrir ferðinni. Þær byrja á því að festast í hringhurðinni og eru mjög undrandi á rúllustiganum.  Það tekur þær smá tíma en þeim tekst það að lokum.

„Nágranni minn sagði mér að hann hafi séð rúllustiga éta tærnar á konu,“ segir Rosanna.

Því miður var stúlkunum neitað um að kaupa flugmiða þar sem þær voru ekki með skilríki með mynd, en vegna uppruna þeirra eiga þær engin slík skilríki.

„Við vorum svo spenntar að fara að fljúga en allt í einu gátum við það ekki,“ segir Rosanna.

Myndbandið af flugvallarheimsókn þeirra hefur fengið yfir 2,2 milljónir í áhorf á YouTube.