Ný kynlífskenning hefur gert allt vitlaust á samfélagsmiðlinum TikTok og taldi kynlífsfræðingur News.com.au að þessa kenningu væri vert að sannreyna.
„Sú saga gengur á TikTok, að ef þú þambar kaffi rétt áður en þú leikur þér þá máttu eiga von á kröftugri fullnægingu,“ segir Nadia Bokody.
„Að sjálfsögðu varð ég að kanna hvort að Z-kynslóðin hefði nokkuð til síns máls“
Nadia segir að kaffi-fullnægingar-æðið hafi fyrst komist á flug þegar TikTok-arinn @cupofalexx_official deildi myndskeiði þar sem hann sagði að einn kaffibolli gæti bætt fullnæginguna um fimmtíu prósent. Þá leið ekki á löngu áður en aðrir TikTok-arar tóku við keflinu og deildu sínum eigin færslu um þessa kenningu.
@cupofalexx_official✨COFFEE ADDICTS HAVE MORE FUN✨ #coffee #ssmama #arizona #arizonacheck #attention #tiktokmom #women #sisters #momsoftiktok♬ original sound – Alexx
Í einu myndbandi þambar kona rótsterkan bolla og hverfur svo inn í svefnherbergi. Þegar hún snýr aftur er hún með úfið hár og löðrandi í svita. ~„Þetta var bilað! Ég mun alltaf gera þetta hér eftir. Yfirleitt fæ ég það einu sinni eða tvisvar- en í þetta skiptið var það sextán sinnum. ÞETTA VAR GALIÐ,“ segir hún.
@jugrandoni#stitch with @cupofalexx_official #greenscreen #VideoSnapChallenge #fyp #foryourpage #foryou #foryoupage #xyz #xyzcba #relationship #woman #coffee♬ original sound – Julia Grandoni
Nadia veltir fyrir sér hvort kaffi-kenningin geti mögulega verið rétt. Vissulega valdi koffín útvíkkun æða, sem eykur blóðflæði. Margir séu hálf ómögulegir á morgnanna þar til eftir fyrsta bollann. Hins vegar hafi engar rannsóknir verið gerðar á því hvort að áhrif koffíns gæti í æxlunarfærunum. Ein rannsókn frá 2018 á rottum hafi bent til þess að tengsl geti verið milli kynlífs og koffínneyslu, en kvenkyns rottur sem fengu koffín voru meira til í tuskið en þær rottur sem voru koffínlausar.
„Það er samt engin slík rannsókn til á fólki í dag svo ég leitaði til sérfræðings til að fá úr því skorið hvort að kaffi gæti bætt kynlífið mitt,“ segir Nadia.
Hún talaði við kvensjúkdómalækni sem sagði að það væri alls ekki útilokað að kaffi geti aukið á unað. En áhrifin væru líklega minniháttar. Nadia ákvað að láta sjálf á þetta reyna.
„Niðurstaðan? Þetta var ekki beint þessi ólýsanlega reynsla sem TikTok lofaði mér og ég var ekki nálægt því að fá það sextán sinnum, en ég er ekki frá því að fullnægingin hafi verið kraftmeiri en vanalega. Eða kannski voru það bara lyfleysuáhrif.“
