Bandarísku lögreglukonunni Shannon Navarro í Lee County, Flórída, hefur verið vikið frá störfum í þrjá daga og fengið 6 mánaða skilorð fyrir óviðeigandi háttsemi og vanrækslu á starfi sínu. Ástæðan er sú að hún var gripin glóðvolg við að stunda kynlíf á vinnutíma. ABC greinir frá þessu.

Lögreglan komst að brotum Navarro á undarlegan hátt. Hún var að rannsaka brot Phillip Seeley, sem hafði starfað sem vélvirki fyrir lögregluna, en hann hafði verið handtekinn fyrir að koma fyrir myndavélum á óviðeigandi stöðum og taka upp konur að þeim sjálfum óvitandi.

Á meðan að Rannsóknarlögreglumenn fóru í gegnum myndbönd á heimili Phillip Seeley, komust þeir að svolitlu sérkennilegu. Þeir sáu myndband sem virtist sýna Steeley stunda kynlíf með lögreglukonu, og það oft. Þeim grunaði kollega sinn.

Svo virðist vera sem öll spjót hafi beinst að Shannon Navarro. Er hún var spurð út í myndböndin viðurkenndi hún brot sín. Í matarpásum hefði hún keyrt lögreglubílinn að húsi Steeley og stundað kynlíf með honum. Brotin voru í tugum talin.

Sér til varnar sagðist Navarro hafa verið að glíma við veikindi sem juku áhættuhegðun hennar. Að sama skapi viðurkenndi hún að athæfi hennar væri óviðeigandi.