Laura Hamilton, kynnir í þáttunum Place in the Sun, hefur opnað sig um skilaboðin sem hún fær frá aðdáendum í gegnum samfélagsmiðla. Í þáttunum hjálpar Laura fólki að finna draumaheimilið.
Laura segist reglulega fá skilaboð frá fólki sem er afar áhugasamt um þættina, hvort sem það eru fjárfestar í leit að næstu eign eða aðdáendur sem vilja vita hvaða tegund af varalit hún notaði í einhverjum þætti. Hún hefur gaman að þessum skilaboðum en þó eru ekki öll skilaboð sem hún fær velkomin.
„Fyrir ekki svo löngu síðan fékk ég skilaboð frá einhverjum en myndin var af grímu sem var yfir einkastaðnum á þeim sem sendi myndina,“ segir Laura. „Strengurinn á grímunni fór síðan upp í rassinn og ég hugsaði með mér: „Ég þarf ekki að sjá þetta“. Ég blokkaði aðilann um leið“
Nýlega hefur verið fjallað um það á meginlandinu að Laura ætli sér að hætta í þáttunum, sem eru nokkuð vinsælir í Bretlandi, en hún þvertók fyrir það. „Ég sagði ekki einu sinni að mig langaði að fara,“ sagði Laura um orðróminn. „Það er bara hræðilegt hvernig fólk snýr upp úr hlutum sem eru sagðir, það er ekki sanngjarnt.“