David Schwimmer þekkja flestir sem Ross úr Friends. Mikið hefur verið rætt um endurfundi leikara þáttana síðustu mánuði og hefur hann staðfest stórar fréttir um þá. David var einn gesta Graham Norton í þætti hans og ræddi aðeins um þessa endurfundi.
Allir sex aðalleikarar þáttana koma til með að hittast í næstu viku að taka upp þátt saman en í þættinum verða þau ekki í karakter heldur verða þau bara þau sjálf og ekkert handrit er í þættinum.
Hann viðurkenndi þó að í einum hluta þáttarins gæti verið að þau detti í karakter en eina sem hann vildi segja var að þau myndu öll lesa eitthvað en hann vildi samt halda hlutunum leyndu og tjáði sig ekki meira um málið.
Friends-þættirnir voru fyrst sýndir árið 1994 og voru gefnar út tíu þáttaraðir af þeim. Eini karakterinn sem aðdáendur fengu að fylgjast með áfram var Joey Tribbiani í þáttunum Joey. Þar flytur hann til Los Angeles til að eltast við leiklistardrauma sína.
Ekki hefur verið tilkynnt hvenær þessi aukaþáttur kemur út en tökur hefjast í næstu viku og því getur ekki verið alltof langt í hann.
