Raunveruleikastjarnan og áhrifavaldurinn Patrekur Jaime er nýjasti gestur Einkalífsins á Vísi. Í þættinum fer hann um víðan völl. Hann talar meðal annars um grunnskólaárin, sem mörg hver voru erfið vegna fordóma sem hann varð fyrir frá samnemendum sínum.

Aðspurður hvort hann verði fyrir fordómum í dag svarar Patrekur: „Nei nefnilega ekki. Ég er alveg í sjokki hvað ég fæ lítið af „hatri“ fyrir hvernig týpa ég er. Flestir sem „hata“ mig eru tólf ára krakkar á TikTok eða bara aðrir hommar sem eru bara öfundsjúkir..“

Síðan nefnir Patrekur kommentakerfin. „Það er náttúrlega eitthvað bull. Að fara yfir kommentakerfið og skoða fólkið sem er að kommenta er fyndnast í heimi. Að sjá einhverja kommenta eitthvað drulla yfir þig og svo ýtirðu á prófælinn þeirra og svo er þetta bara einhver, sorry, ljót manneskja með einhverja fjölskyldu í opnumynd, sem er líka ljót.“

Patrekur segir að það sé ekki mikið um ljótar athugasemdir um hann í kommentakerfum landsins, en alltaf einhverjar. „Ég skil alveg að það fíla mig ekkert allir. Ég er alveg sú týpa. Það eru alls ekkert allir að fara að elska mig,“ segir hann.

„Þetta er eins og munurinn á mér og Binna Glee. Það elska allir Binna Glee bara út af því að hann er svona [innsk. blaðamanns, hér gefur Patrekur frá sér eitthvað hljóð] einhvern veginn.“

Patrekur segir að þeir vinirnir höfðu kynnst í grunnskóla því Patrekur var að stríða honum.

Horfðu á þáttinn í heild sinni hér að neðan.