fbpx
Laugardagur 22.janúar 2022
Fókus

Logi Bergmann ósáttur – „Í alvöru? Á hún sem sagt að vera svo glötuð að hún hafi ekki áhrif á hinar?“

Fókus
Laugardaginn 4. desember 2021 10:13

Logi Bergmann Eiðsson.

Ekki missa af Helstu tíðindum dagsins í pósthólfið þitt

Lesa nánar

Fjölmiðlamanninum Loga Bergmann hugnast ekki áætlanir ríkisstjórnarinnar um að opna sína eigin streymisveitu í gegnum Kvikmyndasjóð Íslands. Hann ritar um þetta í vikulegum pistli sínum í Sunnudagsmogganum.

Frá því var greint í vikunni að ríkisstjórnin ætli að veita fé til þróunar nýrrar innlendrar streymisveitu á næsta ári en með slíkri veitu á að auðvelda og einfalda aðgengi að íslenskum kvikmyndaarfi. Er undirbúningsvinna á vegum Kvikmyndamiðstöðvar Íslands og Kvikmyndasafns Íslands þegar hafin og er áætlað að á streymisveitunni verði hægt að horfa á íslenskar bíómyndir, þætti, heimildarmyndir, stuttmyndir og fleira. Gert er ráð fyrir þessu á fjárlagafrumvarpinu fyrir næsta ár.

Logi telur þetta vonda hugmynd. Ekki sé þörf á slíkri veitu þar sem nú þegar séu starfræktar íslenskar streymisveitur.

„Stundum er sagt að það eigi ekki að laga það sem ekki er bilað. Og stundum er líka sagt að það sé óþarfi að fá einhvern til að vinna verk sem þegar er unnið. Og svo var okkur kennt að henda ekki peningum.“

Logi veltir fyrir sér hvernig þessi hugmynd varð að veruleika.

„Nú ætla ég ekki að vera leiðinlegur en þetta hljómar eins og hér séu hugmyndir ekki hugsaðar til enda.

Mér finnst líklegast að einhver hafi hallað sér aftur í stólnum og hugsað: Hvenær sá ég eiginlega Stellu í orlofi síðast? Eða Skilaboð til Söndru? Var ekki Bubbi Morthens í henni? Það væri nú gaman að sjá hana aftur.“ 

Vissulega státi Íslendingar af merkilegri kvikmyndagerðarsögu og gaman væri að sjá mikið af gamla efninu.

„Það er örugglega einhver sem væri til í að hámhorfa á Undir sama þaki eða Fornbókabúðina. Jafnvel einhver sem væri til í að eyða einu kvöldi í Tríó. En höldum við í alvöru að það sé ekki til önnur lausn á því en að ríkið stökkvi til og búi til apparat í kringum það?“

Logi bendir á að nú þegar séu Sjónvarp Símans og Stöð 2 með fínar veitur og RÚV líka þó að efni sé þar oft aðgengilegt í stuttan tíma í einu. Líklega yrði það leikur einn fyrir ríkið að hafa samband við þessar veitur og óska eftir að íslenskt efni yrði þar meira aðgengilegt.

„En hafið ekki áhyggjur. Þessi nýja streymisveita á ekki að vera í samkeppni við aðrar! Í alvöru? Á hún sem sagt að vera svo glötuð að hún hafi ekki áhrif á hinar? Það er mjög áhugaverð niðurstaða.“

Logi finnst einnig áætlunin eins og hún birtist á fjárlögum vera óljós. Þar komi fram að setja eigi rétt rúmlega 500 milljónir í „framkvæmd kvikmyndastefnu með áherslu á bætt sjóðakerfi og starfsumhverfi“ og eigi streymisveitan að vera liður í því án þess að nánar sé tilgreint hver skipting fjármagnsins er.

„Mér finnst þetta í alvöru eins og ríkið ætlaði að opna verslun þar sem hægt væri bara hægt að kaupa íslenskar vörur. Þar sem maður gæti valsað um og náð sér í Flórubúðing, Sólblóma, Vallas og súrsaða selshreifa.

En þið megið ekki misskilja mig. Kvikmyndagerð er mikilvæg og hefur svo sannarlega skilað sínu. Ekki aðeins efnahagslega heldur ekki síður fyrir sjálfsmynd þjóðar. Við eigum að hlúa að henni. En kommon!

Hlutverk ríkisvaldsins er að koma inn þar sem þess er þörf en ekki síður að láta hluti eiga sig þar sem engin þörf er á afskiptum. Lausnin er að leyfa öðrum að vaxa og dafna í friði í stað þess að kæfa allt með misskilinni umhyggju.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Lína Birgitta var á N1 þegar hún sá fréttirnar: „Ég man ég hringdi í þig og sagði: „Sólrún, ertu að fokking djóka, hvað á ég að gera?!““

Lína Birgitta var á N1 þegar hún sá fréttirnar: „Ég man ég hringdi í þig og sagði: „Sólrún, ertu að fokking djóka, hvað á ég að gera?!““
Fókus
Fyrir 2 dögum

„Hann þóttist ætla að hitta vini sína – En hann vissi ekki hvað ég vissi“

„Hann þóttist ætla að hitta vini sína – En hann vissi ekki hvað ég vissi“
Fókus
Fyrir 2 dögum

Íslendingar segja þetta vera mesta kjaftæðið hér á landi – „Þetta er almennt mjög pínleg stemming”

Íslendingar segja þetta vera mesta kjaftæðið hér á landi – „Þetta er almennt mjög pínleg stemming”
Fókus
Fyrir 3 dögum

„Þegar hún sagði anorexía fór ég að hlæja og hugsaði: „Sérðu hversu feit ég er?““

„Þegar hún sagði anorexía fór ég að hlæja og hugsaði: „Sérðu hversu feit ég er?““
Fókus
Fyrir 4 dögum

Lína Birgitta með 750 þúsund króna tösku – „Hugarfarið mitt í dag er að ég ætla aldrei aftur að upplifa nokkurn skort“

Lína Birgitta með 750 þúsund króna tösku – „Hugarfarið mitt í dag er að ég ætla aldrei aftur að upplifa nokkurn skort“
Fókus
Fyrir 4 dögum

Jón Viðar gagnrýnir Verbúðina – „Maður vill helst ekki eyða miklum tíma í eitthvað sem er ekki merkilegra en þetta“

Jón Viðar gagnrýnir Verbúðina – „Maður vill helst ekki eyða miklum tíma í eitthvað sem er ekki merkilegra en þetta“
Fókus
Fyrir 5 dögum

Skilnaðardrama heldur áfram að skekja Kardashian fjölskylduna – „Ég fæ ekki að vita hvar afmælið hennar er“

Skilnaðardrama heldur áfram að skekja Kardashian fjölskylduna – „Ég fæ ekki að vita hvar afmælið hennar er“
Fókus
Fyrir 5 dögum

Í innsta hring hægri öfgamanna á Norðurlöndunum

Í innsta hring hægri öfgamanna á Norðurlöndunum