Móðir gaf barnsfeðrum sínum einkunn í myndbandi sem netverjar hafa kallað „mjög furðulegt.“ Konan á þrjú börn með þremur karlmönnum og gefur þeim öllum einkunn. Einn þeirra fékk falleinkunn.

Myndbandið hefur vakið mikla athygli og fengið yfir 12 milljónir í áhorf. Það hefur fallið misvel í kramið hjá netverjum og hafa margir gagnrýnt hana fyrir athæfið. Aðrir eru hreinlega bara frekar ringlaðir á þessu en flestir virðast bara hafa gaman af þessu.

7/10

Faðir elsta barns hennar fékk sjö í einkunn af tíu. „Þetta er fyrsti barnsfaðir minn. Hann elskar dömurnar. Hann er sjúklega heitur og ég þurfti að slást um hann, en ég var í fyrsta sæti svo það skiptir ekki máli,“ segir hún og útskýrir af hverju hann fær bara sjö í einkunn.

„Ég held að ef hann hefði ekki verið myrtur þá hefðum við eignast fleiri börn saman og værum enn saman í dag. Ég gef honum sjö af tíu því ég var ekki hrifin af því að hann var alltaf á götunni. Elska hann samt ennþá,“ segir hún.

@10babygucci17They took this down but I’m not even bullying nobody. ##AllLove♬ original sound – 10babygucci17

0/10

Annar barnsfaðir hennar fær falleinkunn. „Hann er skíthæll. Ég held að hann eigi nokkur börn til viðbótar, ég hef reynt að finna fjölskyldumeðlimi hans eða hinar barnsmæður hans til að tengja son minn við fjölskyldu sína. Finn ekki neitt. Enginn hefur haft samband við mig, öllum er skítsama,“ segir hún. Drengurinn er þriggja ára.

„Hann hefur ekki hitt son sinn síðan hann var nokkurra mánaða gamall og hefur aðeins hitt hann tvisvar. Hann var ekki einu sinni viðstaddur fæðinguna þó ég hafi beðið hann um það. Hann gaf mér 10 þúsund krónur eftir að ég átti son okkar og það er eini peningurinn sem ég hef fengið frá honum.“

8/10

Þriðji barnsfaðirinn og núverandi maki hennar fær hæstu einkunnina, en samt ekki fullt hús stiga.

„Elska hann, hann hélt framhjá en góður gaur. Frábær stjúpfaðir og hugsar um fjölskyldu sína. Ég gef honum átta af tíu í einkunn. Hann er ágætur. Hann á ekki önnur börn, engin vandamál þar. Bara fokking furðufugl. Hann lætur mig fá pening og borgar leiguna þannig það er flott.“

Leiðréttir rangfærslur

Eins og fyrr segir vakti myndbandið gríðarlega athygli og hafa verið ritaðar yfir 40 þúsund athugasemdir við myndbandið.  Í nýju myndbandi leiðréttir hún nokkrar rangfærslur sem netverjar höfðu farið með. Hún segir að hún sé 23 ára og þrátt fyrir að þau séu ungir foreldrar þá séu þau vel stæð. Hún segist vera í góðri vinnu hjá góðu fyrirtæki.

„Ég vil líka segja að ég skammast mín hvorki fyrir fjölskyldu mína né fortíð mína,“ segir hún.

Horfðu á það myndband hér að neðan.

@10babygucci17Just to clear the air before story time.♬ original sound – 10babygucci17