Aðdáendur Britney Spears eru margir áhyggjufullir eftir að stjarnan tók upp á því að birta myndir af sér berbrjósta á samfélagsmiðlinum Instagram. Hafa þeir meðal annars áhyggjur að myndirnar séu birtar án hennar leyfis og hvort þetta gæti tengst að einhverju leyti dómsmáli hennar og föður hennar.
Britney hefur nú stigið fram og útskýrt myndbiritngarnar.
„Nei ég hef hvorki farið í brjóstastækkun né er ég ólétt,“ segir Britney í færslu á Instagram.
„Áður en ég sýni ykkur fleiri myndir af líkama mínum þá vil ég að þið skiljið ástæðuna fyrir því að ég deili myndum af mér fáklæddri,“ skrifar hún.
Söngkonan hefur verið mjög virk á samfélagsmiðlum og lýst yfir löngun sinni að losna undan valdi föður síns og þakkað fyrir stuðninginn við #FreeBritney-hreyfinguna. Hún hefur skilað sér í því að faðir hennar, Jamie Spears, hefur ákveðið að stíga til hliðar sem lögráðamaður hennar og skilaði inn skjölum til dómstóls í síðustu viku.
View this post on Instagram
Síðastliðinn mánuð hefur Britney birt nokkrar myndir af sér berri að ofan og hafa aðdáendur verið bæði ráðvilltir og áhyggjufullir. Sumir aðdáendur voru smeykir um að einhver sem starfaði fyrir Britney væri að sjá um Instagram-síðu hennar og hefði birt myndirnar án leyfis. En svo er ekki og sér Britney sjálf um Instagram-síðu sína samkvæmt BuzzFeed.
View this post on Instagram
Britney hefur nú útskýrt ástæðuna á bak við myndbirtingarnar og segir það tengjast auknu sjálfsöryggi og valdeflingu.
Hún segir að myndirnar hefðu verið tilraun hennar til að „taka líkama sinn til baka“ eftir að hafa verið óörugg í mörg ár vegna stöðugrar útlitspressu frá bransanum og vegna hamlanna sem hún fann fyrir að vera undir valdi föður síns.
„Ég er kona… falleg…. Viðkvæm kona sem þarf að horfa á mig sjálfa eins og ég er. Nei… ég ætla ekki að birta myndir af mér berbrjósta að eilífu því það yrði leiðinlegt en það vissulega hjálpar þegar þér þarf að líða betur.“
View this post on Instagram
