Klámstjarnan Mia Malkova keypti á dögunum „klámstjörnukastala“, eins og The Sun kallar það, á 480 milljónir króna.

Hún ætlar að nota húsið til að taka upp klám og til að spila og streyma tölvuleikjum.

Kastalinn er kallaður „Blackberry Castle“ og stendur á 25 þúsund fermetra lóð í Portland, Oregon í Bandaríkjunum.

Kastalinn er með gufu, heitum potti og meira að segja klifurvegg.

Mia mun bæði búa í kastalanum og nota hann til að taka upp klám og tölvuleikjamyndbönd.

Hún segir að uppáhalds staðurinn hennar til að slaka á sé garðurinn, þar er meira að segja gosbrunnur.

„Þetta er risastórt verkefni en ég ætla að gera eignina enn flottari og meira töff en hún er,“ segir Mia.

Það er einnig líkamsrækt, bar og stórt bókasafn í kastalanum. Svo má ekki gleyma vínkjallaranum. „Eftir Covid ætla ég að halda mikið af partýjum og alls konar viðburðum.“

Mia keypti eignina með kærasta sínum og eru þau mjög spennt fyrir komandi tímum.

Horfðu á Miu sýna kastalann í myndbandinu hér að neðan.