Karlmaður leitar ráða til Dear Deidre, kynlífs- og sambandsráðgjafa The Sun. Maðurinn hefur miklar áhyggjur en kærasta hans er að fá nýjan herbergisfélaga sem er enginn annar enn fyrrverandi kærasti hennar.

„Kærasta mín var að segja mér að þó svo að fyrrverandi kærasti hennar sé að flytja aftur inn til hennar þá eru þau ekki að byrja aftur saman. En ég kemst ekki hjá því að hugsa að hún sé að draga mig á asnaeyrum,“ segir maðurinn.

Hann og kærastan kynntust í gegnum stefnumótaforrit fyrir nokkrum mánuðum en honum finnst erfitt að átta sig á ef hún er hrifin af honum.

„Við tölum saman flesta daga en stundum ekki ef við erum upptekin. Ég er 33 ára og hún er 30 ára,“ segir hann.

„Hún segist vera hrifin af mér en síðan varpaði hún fram þessari sprengju með fyrrverandi, sem hún var með í þrjú ár. Hún segir að ég ætti ekki að hafa áhyggjur þar sem þau eru ekki að byrja aftur saman en ef ég færi til hennar núna myndi mér finnast ég út undan.

Hún viðurkenndi að fyrrverandi kærasti hennar hefði reynt að fá hana til að taka saman á ný en hún fullvissaði mig um að það myndi ekki gerast. Ég vil trúa henni en ég vil líka að hún sé hamingjusöm. Er hún að draga mig á asnaeyrum?“

Deidre svarar manninum og segir að kærasta hans þurfi að gefa honum almennilega útskýringu á af hverju fyrrverandi sé að flytja aftur inn til hennar. „Þú augljóslega treystir henni ekki, kannski af góðri ástæðu,“ segir Deidre.

„Ekki draga ályktanir fyrr en þú hefur talað við hana. Hún þarf að hlusta á áhyggjur þínar og ef hún virðir ekki tilfinningar þínar þá þarft þú að ákveða hvort þú getur verið í sambandi þar sem þú ert óöruggur.“