Kourtney Kardashian og Travis Barker eru nýjasta stjörnupar Hollywood samkvæmt heimildum E! News.

Kourtney Kardashian er raunveruleikastjarna, móðir og eigandi lífsstílsvefsins Poosh. Travis Barker er trommarinn í hljómsveitinni frægu Blink 182.

Kourtney og Travis hafa verið vinir um langt skeið, og fyrstu sögusagnir um samband þeirra komu fyrst í mars 2019. Þá gekk sá orðrómur að þau væru að stinga saman nefjum en ekkert meira varð úr því. Nú eru þau saman, samkvæmt heimildarmanni E! News.

Parið hefur verið saman síðan í desember 2020 og byggir á sterkum grunni vináttu.

„Þau ná mjög vel saman,“ segir heimildarmaður náinn stjörnunni. „Þau hafa verið nágrannar og góðir vinir í mörg ár, þetta varð nýlega bara að einhverju meira.“

Heimildarmaðurinn segir að Travis hefur alltaf verið skotinn í Kourtney og að þau eigi margt sameiginlegt. „Kourtney hefur alltaf verið hrifin af því hvernig faðir Travis er, hann er frábær pabbi og Kourtney elskar það við hann.“

Parið sást nýlega saman í Palm Springs. En hvorugt þeirra hefur staðfest ástarfregnirnar.