Haraldur Þorleifsson, stofnandi vefhönnunarfyrirtækisins Ueno, náði svo sannarlegum mögnuðum árangri þegar kemur að samfélagsmiðlum í gær en stofnandi og framkvæmdastjóri samfélagsmiðilsins Twitter, Jack Dorsey, ákvað að fylgja Haraldi á Twitter í gær. Haraldur er einn af rúmlega fjögur þúsund manns sem Jack fylgir á Twitter.

Haraldur hefur náð gríðarlega góðum árangri að undanförnu með Ueno en fyrirtækið hefur þénað meira en 2 milljarða. Hann hefur unnið fyrir risafyrirtæki eins og Apple, Facebook, Google og einmitt Twitter líka. Nýlega var fyrirtækið Uueno keypt af engum öðrum en Twitter og er það líklega ein af ástæðunum fyrir því að Jack ákvað að fylgja Haraldi.

„Fucking finally,“ eða „fokking loksins“ á íslensku, sagði Haraldur þegar hann vakti athygli á nýjasta fylgjanda sínum á Twitter í gær.

Fucking finally @Jack pic.twitter.com/WWMuHDhOOa

— Halli (@iamharaldur) January 23, 2021

Haraldur, sem er menntaður í viðskiptafræði, hagfræði, heimspeki og þróunarfræði, hefur talað opinskátt um áfengisvandamál sem hann glímdi við en einnig um önnur áföll í lífi sínu. Hann fór nýlega í hlaðvarpsþáttinn The Snorri Björns Podcast Show og ræddi þar um allt milli himins og jarðar. „Hann ákvað að sjá hversu miklu hann kæmi í verk ef hann sleppti áfenginu og þénaði í kjölfarið milljón dollara á einu ári meðan hann ferðaðist um heiminn og hannaði fyrir tæknirisana í Kísildal,“ segir Snorri í lýsingunni á þættinum.

„Hann talar opinskátt um reynslu sína af áfengi, þunglyndislyfjum, sigrunum og ósigrunum í áttina að því að vinna fyrir fyrirtæki eins og Apple, Facebook, Twitter, PayPal, Google, WalMart og uppbyggingu Ueno.“

Hér geturðu hlustað á hlaðvarpsþáttinn hans Snorra þar sem rætt er við Harald.