Þórður Snær Júlíusson, ritstjóri Kjarnans og eiginkona hans Hildur Guðjónsdóttir hafa sett sérhæð sína við Rauðalæk á sölu.
Hæðin er alls 134,6 fermetrar og inn í þeirri tölu er mikið endurnýjaður bílskúr og geymsla í kjallara.
Eldhúsið er hið glæsilegasta og var tekið í gegn árið 2016 ásamt fleiri breytingum sem gerðu íbúðina opnari og bjartari.
Baðherbergi var endurnýjað á síðasta ári. Samkvæmt fasteignaauglýsingu hefur húsið fengið mikið viðhald. Nýlega hefur verið gert við múr og húsið málað að utan. Eins er búið að endurnýja þak og rennur og taka sameiginlegt þvottaherbergi í gegn. Skólp- og drenlagnir voru endurnýjaðar fyrir nokkrum árum og stigagangur endurnýjaður.
Fyrir þá sem er illa við hálku þá er snjóbræðsla undir stétta framan við húsið.
Svefnherbergin eru þrjú og bílskúr hefur verið endurnýjaður og ætti að vera lítið mál að útbúa þar útleigu herbergi eða íbúð.
Þórður segir á Facebook að fjölskyldan sé að selja en ætli að halda sig áfram innan sama hverfis.
Hér má finna fleiri upplýsingar um eignina
