Chris Vigo fór á skeljarnar á Brooklyn-brúnni og bað kærustu sína, Angelinu Rivera, um að giftast sér. Vinir hans voru með í för og tilbúnir að ná hjartæma augnablikinu á filmu. En eins og við mátti búast af fjölförnu brúnni misheppnaðist bónorðið alveg stórkostlega.
Chris deildi myndbandi af bónorðinu á Facebook sem fór svo eins og eldur í sinu um netheima. NY Post greinir frá.
Í myndbandinu má sjá Chris fara á skeljarnar og Angelinu halda aftur tárunum, en áður en Angelina nær að svara kemur hjólreiðamaður á fullri ferð og hjólar beint á einn ljósmyndarann og næstum því á parið.
Myndbandið hefur vægast sagt slegið í gegn og hefur meðal annars farið í dreifingu á TikTok.
@officialjoshyjoshNot my finest moment 🤦🏼♂️ ##fyp ##foryou ##foryoupage ##explore ##nyc ##funny ##love
„Hann var svo spenntur,“ sagði Chris um vin sinn við NY Post. „Hann var að reyna að ná myndbandi af okkur frá öllum sjónarhornum og þá kom þessi gaur og hjólaði beint á hann. Hann reyndi að bremsa en það var of seint. Við vissum ekki hvað við áttum að segja. Ég hugsaði: Á ég að hjálpa honum eða halda áfram í hönd hennar?“
Sem betur fer hafði áreksturinn engin áhrif á svar Angelinu sem sagði já.