Það var varla þurrt auga í salnum þegar mæðgur mættu í áheyrnaprufu í Britain‘s Got Talent.
Sammy, 43 ára, og Honey, 14 ára, heilluðu dómarana upp úr skónum. Saga þeirra vakti einnig mikla athygli, en Sammy greindist með krabbamein fyrir nokkrum árum en hafði lokið meðferð þegar Honey ákvað óvænt að skrá þær í þáttinn.
„Mamma var greind með krabbamein fyrir tveimur árum […] Þetta hefur verið erfitt og mamma er það besta í mínu lífi,“ segir Honey.
„Ég er svo þakklát fyrir allt, mér hefði aldrei dottið í hug þegar við mamma vorum að syngja í bílnum að við myndum enda á þessu sviði.“
Mæðgurnar fengu gullhnappinn í lok áheyrnaprufunnar, en það þýðir að þær fari beint í úrslitaþáttinn.
Horfðu á myndbandið hér að neðan.
