Guðni Th. Jóhannesson, forseti lýðveldisins, óskar móður sinni Margréti Thorlacius til hamingju með afmælið í dag á Facebbok-síðu sinni. Margrét er áttræð í dag, en vill ekki halda stóra veislu að tilefni stórafmælisins.

Í færslu sinni ræðir Guðni um ævi og störf móður sinnar, sem var barnakennari, vinsæl og vel liðin að. Þá minnist Guðni á föður sinn og eiginmann Margrétar, en hann hefði orðið áttræður í fyrra, en lést árið 1983.

Þá deilir Guðni myndum af móður sinni, bæði með sér og síðan með Vigdísi Finnbogadóttur, fyrrverandi forseta og föður Guðna.

„Móðir mín Margrét er áttræð í dag.

Ekki vill hún Margrét Thorlacius hafa stóra veislu, ráðdeild og hógværð eru henni í blóð borin. En hún hlakkar til að hitta barnabörnin, líf hennar og yndi. Mamma var barnakennari árum saman, afar vinsæl og vel liðin. Með Jóhannesi Sæmundssyni, föður okkar bræðranna sér við hlið, bjó hún okkur öruggt og yndislegt æskuheimili. Pabbi, sem var lengi farsæll íþróttakennari og þjálfari, lést eftir erfið veikindi árið 1983 en hefði honum enst aldur til hefði hann fagnað áttræðisafmæli síðar í sumar.

Á annarri myndinni að neðan erum við móðir mín við innsetningu mína í embætti forseta 1. ágúst 2016. Á hinni eru foreldrar mínir í veislu Vigdísar Finnbogadóttur hér á Bessastöðum stuttu eftir kjör hennar árið 1980.“