Beck hefur verið fastur gestur í útvarpi, sjónvarpi og heyrnatólum okkar síðan snemma á tíunda áratugnum. Hann varð fyrst heimsþekktur þegar hann gaf út lagið Loser sem toppaði vinsældalista um allan heim árið 1994 og síðan þá hefur hann gefið út 14 plötur, þar af tvær sem eru á lista Rolling Stone yfir 500 bestu plötur allra tíma og unnið til fjölda verðlauna, þar á meðal 7 Grammy verðlaun. Beck gaf út plötuna Hyperspace í lok seinasta árs en platan var pródúseruð af Pharell Williams.
Two Door Cinema Club er hljómsveit frá Norður Írlandi sem hefur verið að spila og gefa út músík og í meira en áratug. Fyrsta breiðskífan þeirra Tourist History er í dag goðsagnakennd plata sem öll indí börn þekkja vel, en hún inniheldur lög eins og What You Know og Undercover Martyn. Sveitin gaf nýlega út plötuna False Alarm sem er djarft og þroskað framhald af 10 ára ferli.
Póstlistaforsala hefst næstkomandi fimmtudag klukkan 12:00. Almenn sala hefst næstkomandi föstudag klukkan 12:00. Þú getur skoðað viðburðinn á sena.is
