Faðir ætlaði að koma syni sínum á óvart með því að mála herbergið hans. Hann var tilbúinn með myndavélina og ætlaði að ná viðbrögðum drengsins á myndband. En viðbrögðin komu honum heldur betur á óvart.

Faðirinn Eric Lynner deilir myndbandi af viðbrögðum sonar síns á TikTok. Myndbandið hefur slegið í gegn hjá netverjum og fengið tæplega fimm milljón áhorfa.

Í myndbandinu má sjá son hans opna hurðina að herberginu sínu. Ganga hikandi inn og segja svo: „Þetta var dónalegt. Þið máluðuð herbergið án mín.“ Hann er bersýnilega mjög sár og svekktur út í foreldra sína.

@eric.lynner##johndeere ##newpaintjob ##fyp ##parentingfail♬ original sound – Eric Lynner

Netverjar höfðu gaman að myndbandinu en dauðvorkenndu þó drengnum. Margir töldu hann hafa farið í uppnám vegna litavalsins. Eric útskýrði að það hafi ekki verið raunin, drengurinn var búinn að velja litina en var sár að herbergið var málað án hans.

„Eftir að við útskýrðum að systir hans hafi ekki verið heima þegar við máluðum herbergið þá var hann sáttur. Hann hélt að við hefðum öll málað herbergið saman án hans,“ skrifar Eric við ummælin undir færslunni.

„Það er eins gott að þið málið annað herbergi með honum,“ segir þá einn netverji.