Tónlistarmaðurinn Logi Pedro Stefánsson selur hús sitt í miðbæ Reykjavíkur. Hann greinir frá þessu á Facebook og deilir fasteignaauglýsingu fyrir eignina. Húsið er staðsett ofarlega á Spítalastíg og er því sannarlega í hjarta miðborgarinnar.

Logi Pedro er í sambandi með Hallveigu Hafstað Haraldsdóttur og á einn son úr fyrra sambandi með leikkonunni og Reykjavíkurdótturinni Þórdísi Björk Þorfinnsdóttur.

Eignin er 55 fermetra raðhús á besta stað í hjarta Reykjavíkur. Húsið er þriggja herbergja og stendur á tveimur hæðum. Það hefur verið mikið endurnýjað síðan árið 2018.

Á neðri hæðinni eru tvö svefnherbergi og baðherbergi. Á efri hæðinni er stofa og eldhús í björtu og opnu rými.  Uppsett verð á eigninni er 39,9 milljónir.