Tónlistarmaðurinn Auður hefur í þónokkur skipti verið sakaður um þjófnað á höfundarverki. Til að mynda þótti lagið Enginn eins og þú líkjast On My Mind eftir hljómsveitina LEISURE. Þá fannst mörgum tónlistarmyndband Auðs við plötuna Ljós minna á Apple-auglýsingu tónlistarkonunnar FKA Twigs og kvikmyndagerðarmannsins Spike Jonze. Auður virðist nú hafa svarað umræddum ásökunum, en í færslu sem birtist á Twitter um helgina taldi hann upp nöfn fjölmargra tónlistarmanna sem hann segist vera að stela frá.
„Ok svo þið vitið það fyrirfram þá er ég að stela hugmyndum af Justin Timberlake, Bubba, Beach Boys, Shia Labeouf, Jónsa, kef-LAVÍK, Hjaltalín, Magnúsi Jóhanni, Bon Iver (22, a million), Taylor Wwift, GDRN, Bríeti og Rick and Morty righ now.“
Sjá einnig: Er eitt vinsælasta lag Íslands í fyrra stolið? – „Ekki séns að þetta sé tilviljun“
Sjá einnig: Auður sakaður um stuld á Twitter
Færsla Auðs vakti mikla athygli, en þegar að þessi frétt er skrifuð, hafa 360 manns líkað við hana. Þá hafa margir svarað færslunni, þeirra á meðal er Bubbi Morthens, sem hefur verið duglegur að vinna með Auði upp á síðkastið. „Ekki skila mér“ sagði Bubbi.
Tónlistarmaðurinn Jón Jónsson spruði hvort að Auður ætti við um Jónsa í Sigur rós eða Jónsa í Svörtum fötum. Auður sagðist taka smá frá báðum.
Þá vitnaði fyrrverandi fyrirliði landsliðsins í handbolta, Ólafur Stefánsson í kvikmyndagerðarmanninn Jean Luc–Godard. „Það snýst það ekki um hvaðan þú tekur það, heldur hvert þú ferð með það,“