Nordic Entertainment Group (NENT Group) sem er leiðandi streymisveita á Norðurlöndum fer af stað með Viaplay streymisþjónustu sína á Íslandi 1. apríl næstkomandi. Mun þáttaraða- og kvikmyndapakkinn frá Viaplay kosta 599 krónur eða 4 evrur á mánuði.
Viaplay verður aðgengilegt viðskiptavinum á Íslandi í gegnum beinar áskriftir og aðild að áskriftum þriðja aðila. Efnið sem Viaplay býður upp á skiptist í fjóra flokka: sérframleitt Viaplay efni, kvikmyndir, þáttaraðir, barnaefni og íþróttir í beinni útsendingu.
Fræðast má um þætti og kvikmyndir á Viaplay hér en auk þess eru í boði margir íþróttaviðburðir, til dæmis Formúla 1 kappaksturinn, þýskur handbolti og fótbolti, WTA í tennis og ameríski hafnaboltinn.
,,Viaplay hefur náð miklum árangri í streymi á norrænum markaði og þess vegna næsta skref að Íslandi verði með. Frá 1. apríl munum við bjóða íslenskum áhorfendum meira norrænt hágæðaefni en nokkur annar, auk verðlaunakvikmynda og þáttaraða sem og viðurkennds barnaefnis og beinna útsendinga af íþróttaefni í heimsklassa. Viaplay er nú þegar með 1,6 milljónir áskrifenda á Norðurlöndum og er hannað til að geta stækkað hratt. Við hlökkum til að færa áhorfendum á Íslandi okkar sérstöku sögur,“ segir Anders Jensen, forseti og forstjóri NENT, og bætir við:
,,Ísland er eitt af best nettengdu löndum í heimi þar sem 75% heimila hafa aðgang að 1GB hraða á sekúndu gegnum ljósleiðara. Af 360.000 íbúum eru um 359.000 með internetáskrfit. Núverandi markmið ríkisstjórnar Íslands er að 99% heimila og fyrirtækja hafi aðgang að a.m.k. 100MB hraða á sekúndu árið 2022. Ísland er þess vegna tilvalinn markaður fyrir það einstaka og notendavæna streymi sem Viaplay býður upp á.“