Sara Pétursdóttir, eða Glowie eins og hún er betur þekkt, deildi færslu á Instagram síðu sinni en þar talar hún um erfiðleikana sem hún hefur verið að ganga í gegnum í sumar.

„Kvíðinn hefur legið eins og skuggi yfir mér í allt sumar. Ég er búin að léttast mikið vegna kvíðans en það hefur bitnað á sjálfsástinni minni auk sjálfstraustsins.“

Hún segir að henni hafi liðið eins og hún væri aftur orðin 10 ára en hún átti erfitt með að finna föt sem pössuðu á hana ásamt því sem hún var óörugg með að sýna öðru fólki líkamann sinn sem henni fannst vera of mjór.

„Ég hélt að þessi tilfinning væri farin fyrir fullt og allt en því miður kom hún aftur. Ég trúði þessu ekki, ég er sú sem er alltaf að tala og syngja um líkamsvirðingu. En samt var ég standandi fyrir framan spegilinn og þoldi ekki það sem ég sá í honum.

Glowie segir að það séu allir óöruggir með eitthvað og að það sé í góðu lagi.

„Það er algjörlega allt í lagi! Þetta kemur og fer og við þurfum bara að finna okkar leiðir til að vinna úr þessu með okkur sjálfum. Þetta óöryggi kemur ekki af ástæðulausu. Stundum getur verið erfitt að finna ástæðuna fyrir óörygginu, það getur tekið tíma en þess vegna þarftu að gefa því tíma. Ég er núna í ferðalagi sem snýst um að fá líkamssjálfstraustið mitt til baka.“

Hún segir síðan frá því sem hún ætlar að gera til að fá sjálfstraustið sitt aftur.

„Fara í danstíma, hreyfa mig á hverjum morgni, borða MIKIÐ af hollum mat, hugleiða, hrósa líkamanum mínum stanslaust í fimm mínútur á hverjum degi og dansa salsa á nærfötunum mínum á morgnana eins og ég gerði alltaf.“

Glowie segir að lokum að hún sé spennt fyrir framhaldinu.

„Mér líður eins og þetta sé nýtt upphaf og ég get ekki beðið eftir því að þið hlustið á nýju tónlistina sem ég er að vinna í.“

Hér fyrir neðan má sjá Instagram færslu Glowie.

https://www.instagram.com/p/B2ZdF6tAQhl/