Tanja Ýr Ástþórsdóttir, áhrifavaldur, fyrirtækjaeigandi og fyrrverandi fegurðardrottning, virðist vera afar vinsæl á samfélagsmiðlum. Þar veitir hún fylgjendum innsýn í lúxuslíf hennar þar sem hún ferðast um heim allan, kaupir sér falleg föt og er óaðfinnanleg í útliti. Það vakti því mikla athygli á þessu ári þegar hún virtist stunda blekkingar með glingur frá Ali Express sem hún seldi á áttföldu verði. Tanja Ýr vildi ekkert tjá sig um málið við blaðamann DV á sínum tíma en opnaði sig í langri færslu á Instagram eftir birtingu afhjúpunar DV.

„Ég hef ekki haft neinn áhuga að ræða við fréttamiðla í langan tíma því ég styð ekki fréttamennsku sem snýst um að tala niður til fólks, gera lítið úr eða fara með rangt mál án þess að kynna sér málin til enda,“ skrifaði Tanja Ýr meðal annars.

Tanja Ýr er í forsvari fyrir ýmis fyrirtæki sem selja tískuvöru og birtast oft orðsendingar á samfélagsmiðlum hennar um að hitt og þetta rjúki út. Vinsældirnar endurspeglast hins vegar ekki í launatölunni ef marka má útreikninga í Tekjublaði DV.

Mánaðarlaun 2018: 92.874 kr.

Laun Tönju Ýrar og yfir tvö þúsund annarra Íslendinga má sjá í tekjublaði DV sem kemur út miðvikudaginn 21. ágúst.