Leikstjórinn, söngkonan og leikkonan Selma Björnsdóttir bætti rós í hnappagat sitt í fyrra þegar hún gerðist athafnastjóri hjá Siðmennt. Í gær stjórnaði hún nafnagjöf hjá bestu vinkonu sinni þegar að sonur Bjarkar Eiðsdóttur, ristýru Glamour og umsjónarkonu Lífsins í Fréttablaðinu, og Karls Ægis Karlssonar, doktors í taugavísindum og prófessors við Háskólann í Reykjavík, fékk nafn.
Björk og Karl eignuðust snáðann þann 7. maí síðastliðinn og er þetta fyrsta barn þeirra saman. Fyrir á Björk þrjú börn og Karl einnig þrjú.
Nýjasta viðbótin við fjölskylduna fékk nafnið Víkingur Bjarkar Karlsson, en Selma segir stolt frá því á Facebook-síðu sinni að hafa stjórnað nafnagjöfinni.
„Dásamlegur dagur að baki þar sem ég fékk að stjórna nafngjöf hjá minni bestu og hennar eðal fólki. Velkominn í heiminn og í hjörtun okkar, Víkingur Bjarkar Karlsson. Lífið er gott,“ skrifar hún.
Fókus óskar Víkingi til hamingju með nafnið og nafnagjöfina.
