Athafnakonan Manuela Ósk Harðardóttir er einn keppanda í þættinum Allir geta dansað. Annar þáttur verður sýndur í kvöld. Manuela og dansfélagi hennar Jón munu þar stíga á svið og dansa vals.

Manuela hefur verið dugleg að leyfa fylgjendum sínum á Instagram að fylgjast með ferlinu og svaraði nokkrum spurningum í gær.

Aðspurð hvað væri það síðasta sem hún hugsar áður en hún fer á svið svarar hún:

„Ég var alveg lömuð af stressi og heilastarfsemin í sögulegu lágmarki en ég man að ég hugsaði til Elmu og hvað mig langaði að gleðja hana með því að standa mig vel.“

Yndislegt alveg hreint. Horfðu á dansinn frá síðustu viku í spilaranum hér að neðan.