Halldór Halldórsson, dramatúrgur og rappari, betur þekktur sem Dóri DNA, hefur líklega aldrei verið eins ögrandi og þegar hann fullyrt í gær að hann svæfði börnin sín á mettíma. Á Twitter segir Dóri að hann eyði aldrei lengri tíma en um tveimur mínútum í að svæfa krakkana. „Ég á þrjú börn. Eftir 9 mánaða aldur hef ég aldrei þurft að eyða meira en 2 mínútum í að svæfa neitt þeirra,“ skrifaði Dóri í gær.

Þetta tíst hefur vakið talsverð viðbrögð en margir trúa þessu ekki meðan aðrir biðja hann um að kenna sér tæknina. Sprelligosinn Ari Eldjárn skrifar til að mynda: „2,5 klst í gær. Á mánuði = 70 klst. Öskur trúðsins í nóttinni.“

Sagnfræðingur geðþekki Stefán Pálsson skrifar svo: „Ókey. En það er samt ekki mælt með að nóta Jägermaster á þennan hátt.“ Kristján Guy Burgess, fyrrverandi framkvæmdastjóri Samfylkingarinnar, segir að hann verði að kenna fólki aðferðir sínar. „Nú hættir þú þessu skálda- rappara- uppistandsrugli og ferð hringferð um landið með Herdísi Storgaard og kennir uppeldi og slysavarnir ungra barna,“ skrifar Kristján.

Pistlahöfundurinn Hrafn Jónsson telur sig sjá í gegnum hann og gerir ráð fyrir að kona Dóra svæfi börnin. „Heldur ekki. Þau sofna sjálf. Hafa alltaf gert.“ Annar maður segir þetta bull hjá Dóra og því svarar hann: „Bara uppeldi. Nú ferð þú að sofa..eitt lag sungið. Bæ bæ“ og svo bætir hann við: „Kyssi góða nótt og goner“.

Kona nokkur spyr hvernig það hafi gengið að færa börnin úr rimlarúmi yfir í venjulegt. Það var ekkert mál hjá Dóra. „Öll í venjulegu. Skiptum með Flosa fyrir mánuði. Hefur vaknað einu sinni a golfinu en alltaf beint að sofa og sofnar strax.“

Þórdís Kolbrún Reykfjörð Gylfadóttir ráðherra á þó tvímælalaust bestu athugasemdina við stóryrði Dóra: „Næhæs! Það er samt smá eins og þú sért að biðja um að vera skallaður af buguðu foreldri á morgun. En þá bara: eitt lag sungið, bæ bæ.“

Ég á þrjú börn. Eftir 9 mánað aldur hef ég aldrei þurft ad eyda meira en 2 mínútum í að svæfa neitt þeirra.

— Halldór Halldórsson (@DNADORI) November 7, 2019