Hildur Knútsdóttir tískubloggari hefur sagt að fólk mikli bíllausan lífsstíl fullmikið fyrir sér en hún hefur aldrei tekið prófið. Hún hefur opinberlega sagt að það sé minna mál en ætla mætti, sérstaklega með tvö börn. Hún kann ákaflega vel við að sitja í strætó og hlusta á hlaðvörp í stað þess að hugsa um að sitja föst í umferð.

Inga Sæland, formaður Flokks fólksins og þingmaður, er mikil landsbyggðarkona og dugnaðarforkur. Það fylgir starfinu að ferðast töluvert á milli staða en þar notast hún við aðstoð bílstjóra. Inga er, að eigin sögn, ekki með ökuréttindi vegna þess að hún er sjónskert.

Vignir Rafn Valþórsson leikari tilheyrir ágætri stétt fagfólks á leikarasviði sem sér litla þörf fyrir ökuskírteini. Mýtan segir að leiklistarfólkið á höfuðborgarsvæðinu haldi sig hvort sem er í miðbænum þar sem allt er í góðu göngufæri.

Hugleikur Dagsson listamaður tilheyrir bíllausa hópnum. Uppistandarinn Snjólaug Lúðvíksdóttir skaut fast á grínarann í afmælisveislu hans. „Hann er ekki með bílpróf af því að það er bannað að keyra bólufreðinn,“ sagði hún og uppskar mikinn hlátur.

Hlynur Páll Pálsson, framkvæmdastjóri Íslenska dansflokksins, hefur aldrei tekið bílpróf og herma sögur að hann kunni prýðilega við þá ákvörðun.