Leikkonan Helga Braga er nýjasti gestur Egils Ploder í Burning Questions hjá Áttan Miðlar. Þar svarar hún ýmsum spurningum og segir frá því hvernig hún glímdi eitt sinn við kaupfíkn.
Aðspurð hvað sé það heimskulegasta sem hún hefur gert svarar Helga Braga:
„Ætli það sé ekki ýmislegt sem ég hef verslað. Við getum sagt að ég hafi verið „shopaholic“. Ég var það, ekki lengur.“
Helga segist hafa verslað mestmegnis föt, skó og töskur.
„[Ég var líka að] þvælast og vera á einhverjum hótelum um allan heim og versla, og setja allt á Visa og svona. Og vera nánast í taugaáfalli þegar Visa reikningurinn kom,“ segir hún.
Hún segist tengja við kvikmyndina „Confessions Of a Shopaholic“.
„Það var soldið ég,“ segir Helga.
Horfðu á viðtalið í heild sinni hér að neðan.
