Íslenskur áhrifavaldur sem kemur fram undir nafninu Mörges gagnrýndi fyrir skömmu YouTube-stjörnu fyrir efni sitt og óviðeigandi framkomu, þásérstaklega gagnvart konum.
Mörges er með 19,8 þúsund fylgendur á Instagram, 198 þúsund fylgendur á annari af tveimur YouTube- síðum, en á hinni eru 89,2 þúsund.
Í myndbandi sem Mörges birti á YouTube tók hún fyrir Onison, sem er með ansi marga fylgendur á YouTube, eða 1,6 milljónir. Onison þessi hefur ítrekað verið ásakaður um kynferðisofbeldi, óviðeigandi hegðun gagnvart stúlkum undir lögaldri og rasisma.
Mörges styrkti Patreon-síðu Onison um fimmtíu dollara, en með því fékk hún aðgang að meira efni en er á YouTube-síðu hans. Þar sá hún til dæmis myndbönd þar sem gefið var í skyn að feministum þætti í lagi að konur yrðu lamdar. Auk þess var efni á síðunni sem Mörges fannst of grafískt fyrir fólk sem væri ekki búið að ná átján ára aldri.
Hér að neðan má sjá myndbandið frá Mörges.
