Bræðrafélag VKB, eða Vinir Ketils Bónda hefur gefið út þjóðhátíðarheftið Þroskahefti fyrir þjóðhátíð í eyjum sem fram fer nú um helgina.
Nafn heftisins hefur verið gagnrýnt en það þykir niðrandi í garð fatlaðs fólks.
Einn notandi á samfélagsmiðilsins Twitter bendir á blaðið í færslu sinni og segir „Húmorinn í eyjum“
Húmorinn í Eyjum. pic.twitter.com/qNCi0ox895
— Arnór Bogason (@arnorb) July 31, 2019
Annar notandi segir „Allir að taka einn sopa fyrir hvert „má nú ekki grínast lengur“.“
Allir að taka einn sopa fyrir hvert „má nú ekki grínast lengur“
— margrét erla maack (@mokkilitli) July 31, 2019
Líkt og áður segir er það Bræðrafélag Vina Ketils Bónda sem gefur blaðið út í tilefni þjóðhátíðar , en þetta er í tólfta skiptð sem blaðið er gefið út frá árinu 2004.
Heftið er einskonar brandararit. Óhætt er að segja að pólítískur réttrúnaður er ekki endilega í forgrunni í blaðinu, en brandararnir eru sennilega ekki allra. Meðal annars er gert grín af Hildi Lillendahl Viggósdóttur
„Heyrst hefur að Hildur Lillendahl ætli ekki að nota tjaldhæla á þjóðhátíðinni.“
Á fyrstu síðu heftisins er lesendur varaðir við blaðinu, en þar er fólki ráðlagt hvernig lesa eigi blaðið.
„AÐVÖRUN!
Þroskahefti er á engan hátt ætlað sem lesefni undir öðrum en broslegum kringumstæðum. Þungbúinn lestur heftisins er með öllu óheimilaður og afsalar Bræðrafélagið VKB sér allri ábyrgð af slíkum lestri. Lestur heftisins er alfarið á ábyrgð lesandans. Heyranlegur lestur heftisins er mjög varasamur, varúð skal höfð í nærveru sálar. Heyrandi lesturs heftisins, svo og lesandinn sjáfur, kunna að hljóta alvarlega áverka, svo sem bros á vör eða kitl hláturtauga, séu sá eða sú ekki undir slíkt búið. Bræðrafélagið Vinir Ketils Bónda leggur alla ábyrgð í hendur lesanda heftisins. Hafið því varann á.“
Hér að neðan má sjá dæmi um nokkra þannig brandara úr blaðinu, en það má sjá í heild sinni hér.
