Lifum lengur, er nafn átta heimildarsjónvarpsþátta í umsjón Helgu Arnardóttur sjónvarpskonu sem sýndir eru hjá Sjónvarpi Símans Premium. Vísindalegir heimildaþættir um heilsu á mannamáli.
Rangan Chatterjee er breskur heimilislæknir starfandi í Manchester sem skrifaði bókina Four Pillars of Health. Hann leggur mikið upp úr því að við gætum að fjórum lykilstoðunum í lífi okkar til að sporna gegn alvarlegum lífsstílssjúkdómum. Þær eru næring, hreyfing, svefn og andleg heilsa.
Dr. Chatterjee segir brýnt bæði fyrir fullorðna og börn að vera ekki í símanum á kvöldin fyrir háttinn því snjallsímar og tæki gefi frá sér bláa birtu sem tempri hormónið melatónín sem hjálpar okkur að sofa á nóttunni. Langvarandi svefnleysi geti orsakað Alzheimers, hjartaáföll og heilablóðföll svo eitthvað sé nefnt.
