Netflix hefur verið stefnt af fyrirtækinu Chooseco vegna kvikmyndarinnar Black Mirror Bandersnatch, en hún gefur áhorfandanum kost á að taka þátt í framvindu sögunnar með því að velja nokkrum sinnum á milli tveggja söguþráða.

Chooseco sérhæfir sig í ævintýrabókum fyrir börn þar sem hægt er að velja milli tveggja möguleika í söguþræðinum og því hægt að láta bókina enda á marga vegu. Telur fyrirtækið að Netflix hafi ekki fengið þeirra leyfi til að vísa til vöru þeirra í kvikmyndinni.

Hefur fyrirtækið gefið út að það vilji ekki „þungt efni, og á tíðum truflandi efni,“ sé tengt við þeirra efni.

Í stefnunni sem er aðgengileg í netinu segir að „28. desember gaf Netflix út mjög vel kynnta, og samkvæmt yfirlýsingum mikið áhorfða áhorfendavirka kvikmynd að nafni Black Mirror Bandersnatch á streymisveitu þess. Á fyrstu mínútum myndarinnar vísar aðalsöguhetjan til skáldsögu sem Choose Your Own Adventure (Veldu þitt eigið ævintýri) bókar.

Netflix hefur ekkert leyfi eða heimild til að nota vörumerki Chooseco, og samkvæmt upplýsingum og mati, notaði vörumerkið með ásetningu og viljandi til að nýta sér nostalgíu áhorfenda fyrir upphaflega bókaröðinni frá níunda og tíunda áratugnum. Myrkt efni, og á tíðum truflandi, efni kvikmyndarinnar kemur í veg fyrir góðvilja og jákvæð viðbrögð Chooseco til að tengjast kvikmyndinni og svertir ímynd vörumerkisins.“

Samkvæmt stefnunni fer Chooseco fram á sanngjarnan hluta af ágóða Netflix vegna myndarinnar eða 25 milljónir dala, eftir því hvor fjárhæðin er hærri og greiðslu alls málskostnaðar.

Í henni kemur einnig fram að Netflix hefur reynt síðan árið 2016 að eignast leyfi Chooseco, en ekki hefur náðst samkomulag við Chooseco.

Netflix hefur ekki brugðist við stefnunni eins og er.