Leikkonan Lilja Nótt Þórarinsdóttir og Ólafur Gauti Guðmundsson eignuðust stúlkubarn í gærnótt. Stúlkan mætti á fjórða tímanum og heilsast öllum vel samkvæmt stöðufærslu Lilju á Facebook.

Þau Lilja og Ólafur eiga eina fjögurra ára dóttur fyrir, Emmu Björgu, og segir Lilja að nýfædda stúlkan sé alveg jafn stór og systir sín var þegar hún kom í heiminn, „og svei mér ef þær eru ekki bara svolítið líkar,“ bætir hún við.

Í stöðufærslunni sendir Lilja góða kveðju á heilbrigðisstarfsfólkið sem aðstoðaði. „Takk á allt ótrúlega hlýja, samviskusama, skilningsríka og fagmannlega heilbrigðisstarfsfólkið sem bar okkur á höndum sér og passaði svo vel upp á að allir kæmu sem best út úr þessu,“ segir hún.

Ritstjórn Fókus sendir hjartanlegar hamingjuóskir á fjölskylduna.