Stærðfræðiþraut sem er lögð fyrir skólabörn í Singapore fór á sínum tíma sigurför um heiminn eftir að þekktur sjónvarpsmaður í Singapore birti hana á Facebooksíðu sinni. Margir glímdu við þrautina en fáir náðu að leysa hana því hún er örlítið snúnari en hún lítur út fyrir að vera.
Þessi þraut var lögð fyrir 14 ára skólabörn og þau börn sem keppa á Asíuleikunum í stærðfræði, svo þau kunna líklegast ýmislegt fyrir sér í stærðfræði. Þrautin er þó mjög rökrétt og það þarf enga algóryþma eða aðrar flóknar stærðfræðiaðferðir til að leysa hana.
En stóra spurningin er: Getur þú svarað henni?
Hér er þrautin góða íslenskuð og staðfærð.
Halldór og Jón eru nýorðnir vinir Siggu og þeir vilja vita hvenær hún á afmæli. Sigga gefur þeim upp 10 mögulegar dagsetningar:
Sigga segir Halldóri og Jóni síðan, í sitt hvoru lagi, hvaða dag í hvaða mánuði hún fæddist (Það er að Halldór fékk að vita mánuðinn og Jón daginn).
Halldór: Ég veit ekki hvenær Sigga á afmæli en ég veit að Jón veit það ekki heldur.
Jón: Í fyrstu vissi ég ekki hvenær Sigga á afmæli en núna veit ég það.
Halldór: Þá veit ég líka hvenær Sigga á afmæli.
Hvenær á Sigga þá afmæli?
Reyndu að leysa þrautina upp á eigin spýtur – Svarið má finna hér.
