Samkvæmt fréttatilkynningu frá Heilbrigðiseftirlitinu eru Delicata Brasilíuhnetur innkallaðar vegna þess að sveppaeitrið aflatoxín greindist í hnetunum yfir mörkum.
Aðföng hafa, í samráði við Heilbrigðiseftirlit Reykjavíkur, ákveðið að innkalla af markaði tiltekna lotu af Delicata Brasilíuhnetum í 100 g pokum vegna þess að í reglubundnu eftirliti greindist sveppaeitrið aflatoxín B1 í hnetunum yfir mörkum.
Eftirfarandi upplýsingar auðkenna vöruna sem innköllunin einskorðast við:
Vörumerki: Delicata.
Vöruheiti: Brasilíuhnetur.
Strikanúmer: 5690350050647.
Nettómagn: 100 g.
Best fyrir: 30.04.2019
Framleiðandi: System Frugt A/S, Danmörku.
Innflytjandi: Aðföng, Skútuvogi 7, 104 Reykjavík.
Dreifing: Verslanir Bónus og Hagkaupa um land allt.
Upplýsingar um sveppaeitrið aflatoxín er að finna á vefsíðu Matvælastofnunar.
Viðskiptavinum Bónus og Hagkaupa sem keypt hafa vöruna er bent á að þeir geta skilað henni í verslunina þar sem hún var keypt gegn fullri endurgreiðslu.
