Í viðtalið við hönnunarvefinn Designboom bendir hann meðal annars á breytta lifnaðarhætti nútímafólks og spyr um leið hverjir eigi að búa í þessum húsum sem arkitektarnir eru að hanna:
„Húsnæðið á að laga sig að þörfum samfélagsins og þeirra sem það mynda. Þegar arkitekt teiknar fjölbýlishús, eða hýbíli, þá verður hann að spyrja sig hverskonar fjölskyldueining eigi eftir að búa í húsinu. Pabbi+pabbi fjölskylda? Mamma+mamma? Einstæð mamma með tvö börn? Eldri borgarar sem deila með sér húsnæði? Hvaða nýju fjölskylduform og sambýlisform hafa skapast á síðustu áratugum og hvernig tökum við mið af þörfum nútímafólks í breyttu samfélagi?,“ spyr Rojkind sem hefur hannað byggingar af öllum stærðum og gerðum um allann heim.
Spurður að því hvort hugmyndin um lúxus hafi eitthvað breyst á síðustu áratugum segir hann það svo sannarlega vera.
Lestu: Meirihluti þjóðarinnar býr einn eða án barna
Hann segir að ungt nútímafólk leggi miklu síður áherslu á það að eignast hluti. Lúxus gangi mun fremur út á jákvæða reynslu og upplifanir á borð við ferðalög til fjarlægra slóða og samveru með góðu og gegnheilu fólki.
Hann veltir því líka fyrir sér hvað hægt sé að gera svo að sem flestir hafi efni á því að búa inni í borgum en ekki á útjöðrum þeirra. Þróun í skipulagsmálum er jú með nokkuð svipuðum hætti víðast hvar í heiminum; þó nýjar og fallegar byggingar séu reistar í miðjum borgum þá hafa fæstir efni á að búa í þeim.
„Við verðum að halda áfram að reyna að skapa jafnrétti og jafnvægi í borgarsamfélögum.“
Í eftirfarandi myndasyrpu má virða fyrir sér nokkur af helstu verkum arkitektsins, meðal annars þessi fallegu lúxus fjölbýlishús sem skarta dálítilli laug við hverja íbúð.
Hér fer ekki mikið fyrir flæminu en því meiri áhersla er lögð á tengingu við náttúruöflin og nánd við sambýlingana. Sjálfur segist arkitektinn ekki geta hugsað sér stærra svefnherbergi en 4×4 metra með góðum glugga og fínni lofthæð.
Flottur.
Smelltu hér til að lesa allt viðtalið og hér til að skoða fleiri verk eftir Rojkind.
