Það vakti athygli í vikunni að fjármálaráðherra, Bjarna Benediktssyni, blöskraði verð á bjór á Nordica þar sem hann þurfti að borga 1.400 krónur fyrir glasið. Skellti hann skuldina á veitingamenn og háa álagningu en viðurkenndi að áfengisgjaldið væri hátt. Það mun í raun hækka um 2,5%. Sandkornsskrifari hefur tekið eftir að fjármálaráðherra er hrifnari af prósentu- og hlutfallareikningi en krónutölu þegar kemur að hækkun skatta og launa. Því vill hann benda fjármálaráðherra á að hann geti keypt rúmlega 130 bjóra fyrir tíu prósent af laununum sínum, sem eru tæplega 1.900 þúsund. Hins vegar getur manneskja á lágmarkslaunum, rúmlega 300.000 krónum, aðeins keypt 23 bjóra fyrir þessi tíu prósent. Þannig að ef fjármálaráðherra blöskrar, hvernig heldur honum að almúganum líði?