Skiptum á þrotabúi félagsins Morgundags ehf. er lokið, en félagið sá um útgáfu blaðsins Fréttatímans. Forgangskröfur í búið voru rúmar 60 milljónir en aðeins fengust tæpar þrjár milljónir upp í þær. Almennar kröfur voru rúmlega 236 milljónir og ekki var tekin afstaða til þeirra. Félagið var tekið til gjaldþrotaskipta árið 2017 eftir miklar tilraunir til að leysa rekstrarvanda Fréttatímans. Samkvæmt vef Fjölmiðlanefndar voru eigendur Morgundags Gunnar Smári Egilsson, með 46% hlut, félag í eigu Sigurðar Gísla Pálmasonar, með 29% hlut, og Valdimar Birgisson, með 25% hlut.