fbpx
Laugardagur 30.september 2023
EyjanFastir pennar

Óttar Guðmundsson skrifar: Ferðamenn

Eyjan
Laugardaginn 5. ágúst 2023 07:00

Óttar Guðmundsson

Ekki missa af Helstu tíðindum dagsins í pósthólfið þitt

Lesa nánar

Ferðamenn á Íslandi hafa alltaf verið umdeildir. Í æsku minni voru sagðar sögur af túristum sem gistu hjá bændum. Þegar þeim var boðinn morgunverður stálu þeir öllum matnum af borðinu og skildu bóndann eftir dapran og steini lostinn. Ferðamenn voru sagðir ganga illa um „náttúruperlur“ og ganga örna sinna úti á víðavangi. Sjónvarpið sýndi oft myndir af túristakúk í miðri mosabreiðu og ferðamönnum við vegkantinn að gefa hestum harðbannað sætabrauð.

Á sama tíma vildu allir græða á ferðamönnum. Byggðarlög út um allt land reyna að búa til afþreyingu svo að rúturnar stoppi og hleypi út túristum. Menn hafa byggt upp flúðasiglingu, hvalaskoðun, íshella og óteljandi heitar laugar til að svamla í. Grindvíkingar komu sér upp þægilegu eldgosi fjarri byggð en þó í göngufæri. Á sama tíma er kvartað undan fjölda túrista og átroðningi á íslenska náttúru. Menn vilja bæði fá milljónir vel stæðra túrista til landsins og halda því ósnortnu. Allir vilja fá túrista í minjagripaverslanir við Laugaveg en á sama tíma á miðbærinn að haldast óbreyttur og krúttlegur.

Þessi þversögn endurspeglast í deilunum um Landmannalaugar. Má byggja upp nútímaaðstöðu eða á að halda öllu eins og það var í árdaga ferðamennskunnar? Allir vita að túristar kúka úti í móum ef þeir finna engin klósett. Samrýmist ósnortin náttúra kröfum nútímasamfélags um massatúrisma, virkjanir,  vegaframkvæmdir og göng í gegnum fjöll? Það verður ekki bæði sleppt og haldið.

Nú verður að safna saman valinkunnu gáfufólki og rétt hugsandi áhrifavöldum og náttúruunnendum til að svara þessari spurningu:

Hvernig er hægt að fá hingað forríka túrista sem skila skrilljónum í ríkiskassann án þess að hleypa þeim inn í landið?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 2 vikum

Björn Jón skrifar: Hinir friðsömu Íslendingar

Björn Jón skrifar: Hinir friðsömu Íslendingar
EyjanFastir pennar
Fyrir 3 vikum

Sigmundur Ernir skrifar: Öskjuhlíðin er um allt land

Sigmundur Ernir skrifar: Öskjuhlíðin er um allt land
EyjanFastir pennar
Fyrir 3 vikum

Þorsteinn Pálsson skrifar: Tvær kúvendingar og einn kollhnís

Þorsteinn Pálsson skrifar: Tvær kúvendingar og einn kollhnís
EyjanFastir pennar
Fyrir 4 vikum

Sigmundur Ernir skrifar: Dómurinn yfir bankakerfinu

Sigmundur Ernir skrifar: Dómurinn yfir bankakerfinu
EyjanFastir pennar
Fyrir 4 vikum

Óttar Guðmundsson skrifar: Grenitrjáablæti

Óttar Guðmundsson skrifar: Grenitrjáablæti
EyjanFastir pennar
27.08.2023

Björn Jón skrifar: Skýr hugmyndafræðileg sýn Frakklandsforseta

Björn Jón skrifar: Skýr hugmyndafræðileg sýn Frakklandsforseta
EyjanFastir pennar
20.08.2023

Björn Jón skrifar: Það sem Ásgeir sagði á Hólum

Björn Jón skrifar: Það sem Ásgeir sagði á Hólum
EyjanFastir pennar
19.08.2023

Svarthöfði skrifar: Refsivöndurinn

Svarthöfði skrifar: Refsivöndurinn
EyjanFastir pennar
13.08.2023

Björn Jón skrifar: Að leita upprunans

Björn Jón skrifar: Að leita upprunans
EyjanFastir pennar
12.08.2023

Sigmundur Ernir skrifar: Láglendisvæðing öræfanna

Sigmundur Ernir skrifar: Láglendisvæðing öræfanna