Guðlaugur Þór Þórðarson, umhverfis-, orku- og loftslagsráðherra, er sagður íhuga að bjóða sig fram til formennsku í Sjálfstæðisflokknum um aðra helgi. Enn sem komið er hefur Bjarni Benediktsson, núverandi formaður og efnahags- og fjármálaráðherra, einn sóst opinberlega eftir embættinu.
Morgunblaðið skýrir frá hugleiðingum Guðlaugs Þórs og segist hafa áreiðanlegar heimildir fyrir þessu en tekur fram að Guðlaugur hafi þó ekki enn tekið lokaákvörðun.
Blaðið segir að síðustu daga hafi orðrómar verið á kreiki um hugsanlegt framboð Guðlaugs Þórs og hafi umdeilt val á landsfundarfulltrúum einstakra félaga verið tengt við þetta.
