Tekjuhæsti forstjórinn árið 2018 var Jón Björnsson, fyrrverandi forstjóri hjá Festi, en meðal félaga í rekstri þess eru N1, Krónan, Elko og Bakkinn. Þetta kemur fram í tekjublaði DV sem kemur út á morgun, miðvikudaginn 21. ágúst. Þar kennir ýmissa grasa, líkt og síðustu ár, en upplýsingarnar byggja á greiddu útsvari samkvæmt álagningarskrám Ríkisskattstjóra.
Í öðru sæti er Kári Stefánsson, forstjóri Íslenskrar erfðagreiningar með 27,5 milljónir, en sú tala skýrist að mestu af því að Kári Stefánsson ákvað leysa til sín sparnað úr séreignasjóði lífeyrissjóðs í fyrra. Samkvæmt athugasemd frá ÍE voru mánaðarlaun Kára 7.5 milljónir.
Í þriðja sæti er Vilhelm Róbert Wessman, forstjóri Alvogen með 27,4 milljónir.
Fjórði er Tómas Már Sigurðsson, fyrrverandi forstjóri Alcoa USA, með 14,7 milljónir.
Fimmti er Valur Ragnarsson, fyrrverandi forstjóri Medis með 10.4 milljónir.
Launahæsti kvenforstjórinn er sem fyrr, Rannveig Rist, forstjóri Rio Tinto Alcan, með 6,2 milljónir á mánuði, en hún er tíundi tekjuhæsti forstjórinn á Íslandi.
